Deur Nick Serfontein, Voorsitter van die Sernick Groep

Marie Curie het gesê, “Niks in die lewe hoef gevrees te word nie, dit moet net verstaan word. En nou is die tyd om te verstaan sodat ons minder moet vrees”.

Suid Afrika en sy mense gaan deur die spreekwoordelike hel as gevolg van onsekerheid oor ons toekoms en die verval in ons land. Maar wanneer hierdie onsekerhede ons verhoed om besluite te neem waarmee ons elke dag gekonfronteer word, dan loop ons die gevaar om in depressie te verval. Besluitloosheid is die dief van tyd.

Dr Frans Cronje was onlangs die hoofspreker op Bonsmara SA se Rooi Geleentheid en volgens hom is Suid Afrika vandag op ‘n baie beter plek as vyf jaar gelede. Dit wat tans gebeur in ons land, MOES gebeur vir ‘n beter toekoms.

Covid en die sage in Ukraine, was baie traumaties. Maar ek glo nog altyd dat wanneer ‘n mens die positiewe soek in enigiets wat gebeur, sal jy dit kry. En wanneer ‘n mens die positiewe soek in beide boonste gebeure, is dat dit Landbou in SA uitgelig het as een van die mees belangrikste sektore in Afrika. Die landbou was die ENIGSTE sektor wat gegroei het tydens Covid.

Landbougrond in SA en onteiening sonder vergoeding word gebruik as ‘n politieke speelbal. Dit gaan nie gebeur nie want dit is so goed as om albei jou voete weg te skiet met ‘n dubbelloop haelgeweer en die Regering weet dit. Enige land sonder ‘n sterk landbousektor is ‘n mislukte Staat en daardie klokkie het gelui.

Suid Afrika is stukkend maar daar is ‘n nuwe gees wat ontwikkel het wat sê, “tot hiertoe en nie verder nie. Ons sal die stukke optel en ons land uit die modder lig”.

Om nou ons koppe in die sand te steek soos ‘n volstruis, gaan niemand help nie. Neem besluite en een van die besluite kan maar gerus wees om grond en beeste te koop.

ONS BOEREDAG OP 1 MEI 2023

Ons jaarlikse boerdedag is soos gewoonlik op Werkersdag en ons wil almal uitnooi. 

Theo Vorster gaan praat hoekom ons in Suid Afrika moet bly en dit te geniet, vir goeie redes. 

Ekself gaan praat oor Grondhervorming en die Toekoms van Landbou.

Louis Steyl, HUB van Bonsmara SA, gaan praat oor alles wat beesboere moet weet en verstaan insluitende ‘n praktiese demonstrasie. 

Hennie Snyman gaan ons veilingsaanbod op 2 Junie bespreek. 

Ons versoek dat almal wat die dag wil bywoon sal RSVP op ons webwerf www.sernick.co.za

VEILING OP 2 JUNIE 2023

AANBOD

• 60 Stoetbulle waaronder die volgende kuddevaars

AJF160574	Ppc	Skn
CRV180230	HH	Skn
CSW170184	Ppc	Skn
GJN180234	Ppc	Skn
NFS170339	Ppc	P(hms)
NFS190039	HH	Skn

•    Ons hele 2020 stoet vroulike produksie groep word in pare van twee aangebied, een om van te kies. Al hierdie diere is Myostatin normaal en sluit in 30 poenas.

•   600 Kommersiële vroulike diere in alle produksie stadia

•    Alle Bulle is Genomies getoets en vaderskappe geverifieer

•    80% van die Bulle se moeders is steeds in die kudde

VERVOER

• STOETDIERE 

Gratis oor hele SA ingesluit transito versekering

• KOMMERSIËLE DIERE

Gratis binne 300 kms ingesluit transito versekering

KREDIET

Uitstel vir betaling van tot 60 dae kan gereel word aan goedgekeurde kopers teen prima rentekoers.

TEN SLOTTE

Ons sien uit daarna om u op Sernick te verwelkom op 1 Mei en 2 Junie.
Lekker boer en bly positief. Landbou in Suid Afrika is op ‘n goeie plek.

Nick Serfontein
0825547690
nick@sernick.co.za